Ағымдағы жылдың 19 желтоқсан күні аудандық жастар бағдарламасының іс-шаралар жоспарына сәйкес жас отбасылары арасында «Отан – отбасынан басталады» аудандық байқау өткізілді. Шараның мақсаты: аудандық 2007-2008 жылдарға арналған жастар бағдарламасын жүзеге асыру, ұлттық ерекшеліктеріміз бен салт-дәстүрлерімізді дамытып, жасотбасылары арасында насихаттау. Байқауда жас отбасылар әр түрлі шарттар бойынша өзара сайысқа түсті.І орынға Баймұрзаевтар отбасы, ІІ орынға Дүйсембаевтар отбасы, ІІІ орынға Қожаевтар отбасы ие болды. Байқауға қатынасқан жас отбасылар аудан әкімінің Алғыс Хаты мен бағалы сыйлықтармен марапатталды. Іс-шараны ұйымдастырған аудандық ішкі саясат бөлімі.

Ішкі саясат бөлімі.

      2008 жылғы 13 желтоқсанда аудандық мәдениет үйінде Мәдениет және тілдерді дамыту бөлімінің ұйымдастыруымен «16 желтоқсан –Тәуелсіздік күні» мерекесіне арналған аудандық салтанатты концерттік бағдарлама «Ызғарлы желтоқсан» композициялық қойылымымен көрермендер назарына ұсынылды. Ағымдағы жылы өнердің үлкен жанашыры,аудан әкімі Б.Т. Жанаковтың қолдауымен аудан көлемінде маңызды көптеген мәдени іс-шаралар өтуде. Соның бірі Мәдениет үйінде ағымдағы жылы құрылған «Керуен» театры. 21 желтоқсанда аталмыш театрдың премьералық қойылымы - дүниежүзілік әйгілі француз классик – драматургі Жан Батист Мольердің «Ақымақ болған басымай» атты спектаклі тамашаланды. Бұл классикалық шығарма. Мұндай шығарма кәсіби театрлардың репертуарында сирек кездесетіндігі анық. Аудан әкімінің қолдауымен халықтың рухани қажеттілігін қамтамасыз ету мақсатында Мәдениет үйінің қызметкерлері мамандықтары: актер, актриса болмаса да бүгінгі театрдың ашылуына көп еңбек сініріп отыр. Спектакльді қоюшы режиссер жерлесіміз Мейрамғали Дарменқұлов - өнер академиясының түлегі. Бұл театрдың алғашқы қадамы ғана. Алдағы уақытта драмалық қойылымдармен өнер сүйер қауымды қуантпақпыз.
Мәдениет және тілдерді дамыту
бөлімі.