Ағымдағы жылдың 20 маусым күні Үржар ауданындағы Алакөл көлінің жағалауында «Үржарайым» атты балалар демалыс лагерінің ашылу салтанаты өтті. Үржар ауданының балалары Алакөл жағалауында демалу мүмкіндігін алды.

 Демалыс орнының кілті салтанатты түрде  «СК БАТИ групп» ЖШС атқарушы директоры Саутов Жанабай мырза  аудан әкіміне тапсырды. Аудан әкімі Б.Т.Жанақов балаларды лагердің ашылуымен құттықтады

[ Толығырақ ]

  Ағымдағы жылдың 15 маусым күні Үржар ауданының Егінсу ауылында Егінсу-Аманкелді каналының салтанатты ашылуы болды. Аманкелді-Егінсу су каналының ашылуын жыл басынан бергі ауданда атқарылып жатқан маңызды шаралардың бірегейіне жатқызуға толық негіз бар. Өйткені 1970 жылдары негізі қаланып, 1995 жылдан бері толық істен шығып,  жұмысын тоқтатқан канал араға 14-15 жыл салып қайтадан іске қосылды. Каналдың ашылу лентасын аудан әкімі Б.Т.Жанақов қиып, жөндеу жұмыстарын тиімді уақытта жүзеге асырған ЖМК – 1 басшысы С.Шевкуновқа ризашылығын білдірді.

[ Толығырақ ]

 Аудан бойынша ҰБТ 2009 жылдың 5-7 маусым күндері екі ауысымда өтілді. Оған 1-ауысымда 441, 2-ауысымда 455 мектеп бітірушілер қатысты. ҰБТ-ға бір күн бұрын келетін оқушылар үшін жатақхана ұйымдастырылып, 1- ші ауысымда 59 бала, 2-ші ауысымда 87 бала орналасты. Қалған 162  бала туыстарының үйіне пәтерге орналасты. Балалардың тамақтану жағдайы  Абай және Крупская орта мектебінің  асханаларында ұйымдастырылды. Асхана мен жатын орны жағдайы СЭС талаптарына сәйкес жасалынды.  Асханалар мен жатақханада мектеп, білім бөлімі және ішкі істер қызметкерлері  тарапынан кезекшілік ұйымдастырылды. Балалардың қонуы және тамақтануы кезінде ешқандай тәртіп бұзушылық тіркелген жоқ.  Сонымен қатар ҰБТ өтетін Горький орта мектебінде де ішкі істер қызметкерлерінен кезекшілік ұйымдастырылып, ата- аналар арасында тәртіп бұзушылықты болдырмау жағдайы бақылауға алынды. Ұлттық біріңғай тестілеу екі ауысымда да өзінің белгіленген тәртібі бойынша өтілді. ҰБТ кезінде де ешқандай өрескел кемшіліктер болған жоқ.

[ Толығырақ ]